МУ-ын Аялал Жуулчлалын Хөгжлийн Төв, Миат ХХК, Жуулчин ХХК, Нью жуулчин турс ХК, Тэнгэр травел ХХК, Let’s Travel ХХК, Ger to Ger ХХК зэрэг аялал жуулчлалын чиглэлээр үйл ажиллагаа явуулагч аж ахуйн нэгжүүд энэ сарын 23-ны өдрөөс 26-ны өдрийн хооронд “Тайпэйн Олон улсын аялал жуулчлалын үзэсгэлэн-2018”-д оролцож, Монгол орны аялал жуулчлалын онцлог, аялал жуулчлалын бүтээгдэхүүнийг сурталчлах болно.
МУ-ын Аялал Жуулчлалын Хөгжлийн Төвийн Захирал Б.Пүрэвжав хэлсэн үгэндээ “МУ-ын БОАЖЯ-ны Сайд Н.Цэрэнбат энэ оны 4-р сард Монгол орон бол байгаль, түүхийн музей шиг хосгүй үзэсгэлэнт нутаг билээ” хэмээн онцолж байсан гээд, Бид цаашид байгаль орчинд ээлтэй, экологийн аялал жуулчлалыг хөгжүүлэхэд анхаарал хандуулан ажиллах төдийгүй хүрээлэн байгаа байгаль орчноо хамгаалах үзэл санааг аялал жуулчлалын салбарт нэвтрүүлэхийг зорьж байгаа төдийгүй тогтвортой хөгжлийн нэхээгэн зорилтоо болгон ажиллах болно.” хэмээв.
Монгол Улсаас Тайваньд Төлөөлөгч П.Халиун хэлсэн үгэндээ “Аялал жуулчлал бол Монгол орны үйлдвэрлэлийн хамгийн чухал 3 салбарын 1 бөгөөд бид 2020 он гэхэд авах жуулчдын тоогоо 1 саяд хүргэх хүсэлтэй байна. Жил бүр дундажаар 10 сая гаруй Тайвань жуулчин гадны улс орнуудад аялдаг тул бид энэхүү шинэ зах зээлийг нээх бүрэн боломж бий” гэв.
Тайваниас МУ-д суугаа төлөөлөгч Ноён Хуан Гуо Рун хэлсэн үгэндээ “Дэлхийд хамгийн томоохонд тооцоогддог аялалын мэдээлэл түгээгч Fodor's-оос гаргасан дэлхийн өнцөг булан бүрийн аялахад таатай 52 газрыг сонгон зарласан бөгөөд Ази тив дэхь аялал жуулчлалын үзэсгэлэнт газруудын жагсаалтын 1-р байрт Монгол орон бичигдсэн бол Тайпэй хот уг жагсаалтын 2-р байрт бичигджээ. Монгол орны цэлмэг хөх тэнгэр, Тайваний номин ногоон далай тэнгис дэлхийн улс орон бүрийн аялагч жуулчлагч нарын анхааралыг татдаг гэдгийг үүнээс харж болох юм.” гэж онцлов.
Энэ удаагийн үзэсгэлэнгийн үеэр нээн ажиллаж буй Монголын аялал жуулчлалын павьлионы зохион байгуулалтын ажлыг МУ-ын Аялал Жуулчлалын Хөгжлийн Төвөөс хариуцан ажиллаж байгаа бөгөөд үзэсгэлэнгийн павьлион дээр Монгол үндэсний уламжлалт амттангаар ирсэн зочидоо дайлахаар төлөвлөж байгаа аж. Мөн үзэсгэлэнгийн үеэр Монгол орноо төлөөлөн оролцож буй уран бүтээлч Д.Даваасүрэн морин хуур, хөөмийн үзүүлбэрээр үзэгч олны сонорыг мялаах болно. Уг үзэсгэлэнг үзэж сонирхохоор зорьж буй Тайваний иргэдийг J2210 үзэсгэлэнгийн павьлионоор зочлон, Монголын уламжлалт соёл, өргөн уудам тал хээр нутгийн тухай мэдээлэл, сонин сайхныг хүрэлцэн ирж сонирхохыг урьж байна.
