Тайпэй хотын 101 давхар цамхагын ёслолын буудлагын үзүүлбэр нь хэдийнээ даян дэлхийн хүн зоны анхаарлыг татсан томоохон арга хэмжээ болж чадсан төдийгүй шинэ оныг угтах ёслолын арга хэмжээний агуулга жил ирэх тусам агуулгын хувьд тасралтгүй шинэчлэгдэн баяждаг билээ. 2019 оныг угтахаар урвуу тоолон, 101 давхар цамхагын ёслолын буудлагыг хийх үеэр нийт 9 томоохон сэдэв агуулгын хүрээнд Тайваний гайхамшиг, ололт амжилтыг олон нийтэд түгээн сурталчлах болно. Эдгээр 9 агуулгад “Шөнийн зах, олонд танигдсан амтат зоог”, “Төрөл бүрийн мэргэжлийн салбарууд”, “Газарзүйн орчин нөхцөл”, “Эрүүл мэнд, технологи”, “Жимс жимсгэний хаант улс”, “Шинжлэх ухаан технологи, захиалгын үйлдвэрлэл”, “Ардчилал, эрх чөлөө”, “Шашин шүтлэг ба хүч чадал”, “Олон ургалж үзэл” сэдвүүд багтана. Эдгээр нь агуулгын хувьд Тайванийг түүхийн тавцанаа даян дэлхийн анхаарлын төвд оруулахад түлхэц болсон 3 үндсэн онцлогийг багтаасан болно.
Нэгдүгээрт. Тайваний байгалийн өнгө үзэмж, газарзүйн орчин нөхцөл нь нүд алдам, хосгүй үзэсгэлэнтэй сайхан бөгөөд “Formosa” хэмээн алдаршсан бөгөөд үүнийг утгачилбал “Үзэсгэлэнт арал” гэсэн утгатай билээ.
Хоёрдугаарт. Эдийн засаг, үйлдвэрлэлийн салбар нь хамгийн амжилттай яваа олны анхаарлыг татсан салбар юм. Тайваний үйлдвэрлэл, захиалгын үйлдвэрлэл, шинжлэх ухаан технологийн бүтээгдэхүүний үйлдвэрлэл зэрэг салбарууд нь дэлхийд өрсөлдөх чадвараараа дээгүүрт бичигддэг. Сүүлийн жилүүдэд анагаах ухааны технологийн чиглэлээр дэлхийд нилээд дээгүүр байруудад бичигдэх болсон.
Гуравдугаарт. Тайваний нийгэм, соёлын өнөөгийн нөхцөл байдал. Тайваний өнөөгийн нийгэм, соёлын олон ургалж үзэл санаа нь дэлхий нийтэд хэдийнээ танигдсан. Үг хэлэх, үзэл бодоо чөлөөтэй илэрхийлэх, шашин шүтэх, сонгох эрх чөлөө зэрэг нь ардчилалын үлгэр загвар болж байна. Энэ удаагийн ёслолын буудлагын үзүүлбэрийн үеэр нийт 16.000 ширхэг салют буудуулах бөгөөд үзүүлбэр нийт 360 секундын турш үргэлжлэх төдийгүй гол үзүүлбэрийн үргэлжлэх хугацаа өнгөрсөн оныхоос 60 секундээр уртассах болно. Ёслолын буудлагын үзүүлбэрийг шууд дамжуулан үзүүлэх дэлгэц нь нийт 14.000 ширхэг LED гэрлээс бүтэх ба “Гадаад хүмүүсийн нүдээр Тайвань орон” элементийг шингээсэн бөгөөд гэрлэн шоуны үеэр шөнийн захын амтат хоол зоогоос гадна гэрэлт дэнлүү, уугуул оршин суугчдын тотем шүтээн зэргийг LED дэлгэцээр дамжуулан харуулах болно.
