Агаарын бохирдол нь ихэнх хотуудын хувьд тулгамдсан асуудал болдог тул тухайн хотын оршин суугчдын санал бодлыг нэгтгэжхамгийн тохиромжтой, зөв шийдлийг сонгож асуудлыг шийдвэрлэх нь зүйн хэрэг юм. Тайваний эрдэм шинжилгээний салбар, хувийн үйлдвэрлэгчдийн нийгэмлэг, Засгийн газар зэрэг гурван талт хамтын ажиллагааны үр дүнд бий болсон 「Агаарын хайрцаг」 нь бялууны хайрцагтай дүйцэхүйц хэмжээтэй бөгөөд хүн бүр үүнийг худалдаж авч, гэрийнхээ эргэн тойрны агаарын чанарыг мэдэж болно. Түүнчлэн уг төхөөрөмжийн PM2.5 хэмжилтийн үр дүнг үндэслэн агаарын бохирдлын нөлөөллийг бууруулах арга хэмжээг авснаар өөрийн болон гэр бүлийнхээ эрүүл мэндийг хамгаална. Ижил бүс нутаг дахь 「Агаарын хайрцаг」-ын хяналтын утгыг нэгтгэж, томоохон дата үүсгэснээр, хүрээлэн буй орчныг хамгаалах болон анагаах ухааны чиглэлээр судалгаа хийж, бохирдлын эх үүсвэрийг илрүүлж,агаарын чанарыг сайжруулах арга хэмжээг авах боломжтой юм.
Та бүхний мэддэг агаарын чанар хэмжигчээс ялгаатай нь「Агаарын хайрцаг」-т суурилуулсан бичил мэдрэгч нь богино хугацаанд (5 минутанд) агаарын бохирдлын хэмжээг илрүүлдэг бөгөөд хоромхон хугацаанд үүссэн төлвийг ч хянадаг. Тухайлбал, тамхи татах, гүйснээс үүдсэн тоосжилт нь төхөөрөмжийн үзүүлэлтэд нөлөөлдөг. Агаарын чанар хэмжигч нь агаар мандал дахь төрөл бүрийн индексийг цуглуулах бөгөөд ихэвчлэн дунджаар 1 цагаас дээш хугацааны дундаж өгөгдлийг үзүүлдэг. Тиймээс「Агаарын хайрцаг」нь бохирдлын эх үүсвэрийг илрүүлэхэд тохиромжтой төдийгүй гэртээ суудаг хүмүүс, өвчтөний асрагч зэрэг хүмүүст хэмжигчийн мэдээллийг үндэслэн цонхоо нээх эсэх, агаар цэвэршүүлэгчээ ажиллуулах, агаарын урсгал зэрэг ажиллагааны горимыг тохируулахад нь тусалдаг.
「Агаарын хайрцаг」-ийн нэгж үнэ ойролцоогоор 85 орчим ам.доллар (237,350 төгрөг) бөгөөд өнөөгийн байдлаар Өмнөд Солонгос, Сингапур, АНУ зэрэг улсуудад борлуулагддаг. Дотоодын зах зээл буюуТайванийг оролцуулаад дэлхий даяар нийт 10,000 ширхэг төхөөрөмж ажиллаж байна. Үүнийг аажмаар амжилтанд хүргэсэнгол түлхүүр ньзохион бүтээгчдийн сэтгэлгээ болох "нээлттэй эх сурвалж"-д оршдог. Өөрөөр хэлбэл бүтээгч тал програмыг интернетэд нээлттэй тавидаг бөгөөд сонирхсон хүмүүс үүнийг шууд ашиглах, эсвэл хувийн хэрэгцээндээ нийцүүлэн өөрчлөх боломжтой юм. Нэмж дурдахад үйлдвэрлэгч "Сүньжоу Технологи" нь нээлттэй сэтгэлгээгээ хадгалсан хэвээр бөгөөд хяналтын өгөгдлийг интернэт орчинд нээлттэй тавьснаар Тайвань нь агаарын мэдрэхүйн туйлын баялаг өгөгдөлтэй болж, холбогдох судалгааны чиглэлээр дэлхийд тэргүүлж байна.
(Жич: 「Үйлдвэрлэгч」 буюу 「Өөрөө бүтээгч」 (Maker) нь англи хэлний Makerба Hacker гэсэн үгсийн нийлмэл утга бөгөөд энэ нь шинжлэх ухаанд хайртай, практик дээр идэвхитэй ажилладаг хүмүүсийг илэрхийлдэг. Тэд бол технологи хуваалцаж, харилцан санал бодлоо солилцох дуртай хүмүүс юм.)