Энэ жил(25 дахь удаагийн) Тайваний Тайжун хотод зохион байгуулагдсан “Дадун уран бүтээлийн үзэсгэлэн”-гийн хоёрдугаар шатанд тунаж үлдсэн уран бүтээлчдийн нэрс тодорлоо. Монгол уран бүтээлчдийн бүтээл шүүгчдийн зүгээс дахин өндөр үнэлгээ авч Н.Мөнхбат, Б. Лувсанпэрэнлэй (гуаш, даавуун бүтээлийн төрөлд), Т.Даваасамбуу (уран баримлын төрөлд) нарын 3 уран бүтээлчдийн бүтээл дараагийн шатанд шалгарч үлдлээ.
“Да Дун уран бүтээлийн үзэсгэлэн” нь Тайваний засгийн газраас зохион байгуулдаг олон улсын чанартай хамгийн чухал үзэсгэлэнгүүдийн нэг бөгөөд энэ удаад дэлхийн 25 улс орон бүс нутгийн уран бүтээлчид оролцохоор бүртгүүлж, нийт 1328 бүтээл ирүүлжээ. Үүнээс Монгол улсаас 16 бүтээл амжилттай бүртгүүлсэн байна.Эхний шатны шалгаруулалт 5 сарын эхээр зохиогдож, нийт 204 шилдэг бүтээлийг шалгаруулснаас Монгол улсаас 3 бүтээл дараагийн шатанд оролцох эрхтэй болжээ. Дараагийн шатны шалгаруулалт 6 сарын 23-нд зохиогдох төлөвлөгөөтэй байна.
Энэ жил шинэ коронавирусын аюулаас үүдэж олонулс орны гадаад дотоодын агаарын тээвэр тасалдаж, үндэстэн дамнасан харилцаа солилцооны үйл ажиллагаанд ихээхэн нөлөө үзүүлэв. Тухайлбал 2 сараас эхлэн Монгол улс гадаад нислэгээ зогсоосноос “Да дун уран бүтээлийн үзэсгэлэн”-гийн хоёрдугаар шатны шалгаруулалтанд орох бүтээлүүдийг илгээхэд бага зэрэг асуудал үүсч буй юм.Нөхцөл байдал хэдий ийм байдалд хүрсэн ч энэ жил“Дадун уран бүтээлийн үзэсгэлэн”-д оролцохоор бүртгүүлсэн улс орон бүс нутгийн тоо өнгөрөгч оныхоос илт давуу байгаа нь халдварт өвчин урлагийн бүтээлийн халуун хүсэл эрмэлзлийг унтрааж чадашгүйг харуулж байна.
Монгол дахь Тайваний Төлөөлөгчийн газрын төлөөлөгч хатагтай Грэйс. Ж. Р. Лүө хэлэхдээ “Халдварт өвчин дэгдсэн ч Монголоос оролцож буй уран бүтээлчдийн тоо өндөр хэвээр байна. Сүүлийн жилүүдэд Төлөөлөгчийн газраас өргөн хүрээнд сурталчилсны үрээр улам олон Монголуран бүтээлчид “Да Дун уран бүтээлийн үзэсгэлэн”-гийн талаар мэддэг болсон.” хэмээлээ.Төлөөлөгч Грэйс үүрэгт ажлаа аваад хагас жил орчим хугацаа өнгөрч буй ч Монголчуудын байгалиас заяасан түүхийн онцлог ба тогтвортой хөгжлийн увидасыг агуулсан нүүдэлчин соёлыг гүнээ хүндэтгэн биширч, аугаа ихийг бүтээх эрч хүчээр цэнэглэгджээ. Мөн тэрээр Монголын бүтээлүүд Да дүн уран бүтээлийн үзэсгэлэнг улам олон талт, олон улсын шинжтэй болгож буйд талархал илэрхийлээд дээрх 3 уран бүтээлчдэд өндөр амжилтүзүүлэхийг хүсэн ерөөлөө.
Н.Мөнхбат “Цэнхэр дурдан алчуур” гуаш, даавуун бүтээлийн төрөл
Т.Даваасамбуу “Уул мэт, үүл мэт, ус мэт” уран баримлын төрөл
Б. Лувсанпэрэнлэй “Шуурга” гуаш, даавуун бүтээлийн төрөл
