Тайваний халдварт өвчинтэй тэмцэж буй туршлага нь олон улсын анхаарлыг татаж байгаа бөгөөд дэлхийн улс орнууд ч аль хэдийн Тайваньд үйлдвэрлэгдсэнхалдварт өвчнөөс урьдчилан сэргийлэх хандивын амны хаалт ба эмнэлгийн хэрэглэгдэхүүнийг хүлээн аваад байна. Тайваньчууд өөрийн санаачлагаар дэлхийн улс орнуудтай шинэ төрлийн коронавирус/Covid-19/-тэйтэмцэж буй туршлагаасаа хуваалцах, мэргэжлийн мэдлэг мэдээллийг дамжуулах, халдварт өвчнөөс урьдчилан сэргийлэх сайн чанарын эмнэлгийн хэрэгсэл болон тэдгээрийн үйлдвэрлэлийн шугамын талаархи мэдээллийг олон нийтэд түгээн дамжуулах зорилгоор Тайваний Гадаад худалдааны нийгэмлэг /TAITRA/ сүүлийн өдрүүдэд Тайваний бүхий л салбарын мэргэжилтэн, 2000 гаруй халдварт өвчинтэй тэмцэх эмнэлгийн хэрэгсэл үйлдвэрлэгчид, 20 гаруй эмнэлгийн байгууллагуудыг эгнээндээ нэгтгэсэн, “Халдварт өвчнөөс урьдчилан сэргийлэх виртуал павилион”-ыг(https://www.anticovid19tw.org/) үүсгэн байгуулжээ.
Уг эрүүл мэндийн үйлчилгээний цахим талбар нь маш өргөн цар хүрээ агуулгыг хамарч байгаа ба тодруулбал үүгээр дамжуулан халдварт өвчнөөс хэрхэн урьдчилан сэргийлэх тухай богино хэмжээний автомат видео бичлэг ба асуулт хариултын булан, эрүүл мэндийн боловсролын алсын зайны сургалт, виртуал хэлэлцүүлэг, эмнэлгийн хэрэгсэл үйлдвэрлэгч болон нийлүүлэгчийн нэгдсэн мэдээллийг хуваалцах боломж бүрджээ. Энэхүү цахим талбарын тусламжтайгаар нэгдсэн цогц үйлчилгээг олон нийтэд хүргэх, дэлхийн улс орнуудын эрүүл мэндийн салбарт хүчин зүтгэж буй ажилтан албан хаагчид, төрийн албан хаагч, албан тушаалтан, худалдан авагч, жирийн ард иргэд зэрэгхэрэглэгчдийн харилцан адилгүй хэрэгцээ шаардлагад нийцсэн үйлчилгээг хүргэхэд чиглэж байгаа болно.
Тайваниас Монгол Улсад суугаа төлөөлөгч Грэйс Ж.Р.Л.Лүө хэлэхдээ “Энэхүү цахим талбараар дамжуулан нийт 10,000 гаруй халдварт өвчнөөс урьдчилан сэргийлэх эмнэлгийн хэрэгсэл борлуулагдаж байгаа ба хэрэглэгчдийн зүгээс халдварт өвчнөөс урьдчилан сэргийлэх оновчтой үнэн зөв мэдээ мэдээллийг бусад хэрэглэгчдэд түгээх, Тайваний эмнэлгийн хэрэгслийн үйлдвэрлэгчдийн тухай илүү сайн мэдээ мэдээлэлтэй болох, онлайнаар бараа бүтээгдэхүүн захиалах боломжтой болов. Энэхүү павилионыг дижитал технологийг ашиглан халдварт өвчинтэй тэмцэх үйл хэрэг болон эмнэлгийн цахим үйлчилгээний ухаалаг шийдлийн нэгдэл гэж үзэж болох төдийгүй үүгээр дамжуулан“Тайваньчууд тусламж хэрэгтэй тохиодолд дэмжлэг үзүүлэх чадамжтай, дэмжлэг үзүүлж ч байна” /Taiwan Can Help, and Taiwan is Helping/ гэдгээ тод томруунаар илтгэн харуулж байна. Монгол орны цахим сүлжээ хэрэглэгчдийг ч мөн энэхүү цахим талбарыг өргөнөөр ашиглахыг уриалж байна.” хэмээв.
Taiwan Anti-COVID-19 Pavilion-Links & Contacts
