Тайваний нэр хүндтэй томоохонэмнэлэг болох Тайваний Үндэсний Их Сургуулийн харьяа эмнэлэг (NTU Hospital)П.Н.Шастины нэрэмжит Улсын Гуравдугаар Төв Эмнэлэгтэй хамтран, 7-р сарын 7-ны өдөр халдварт өвчнөөс урьдчилан сэргийлэх, халдварт өвчинтэй тэмцэх асуудлын хүрээнд видео хэлэлцүүлэг зохион байгуулав. Энэ удаагийн видео хэлэлцүүлэгийг зохион байгуулахыг Тайваниас Монгол Улсад суугаа төлөөлөгчийн газар дэмжин ажиллаж байгаа бөгөөд тус видео хэлэлцүүлэг нь “Шинэ төрлийн коронавирус /Covid-19/-ийн үеийн бэлэн байдал ба хариу арга хэмжээ” /Preparedness and response for covid-19/ сэдвийн хүрээнд зохиогдсон болно. П.Н.Шастины нэрэмжит Улсын Гуравдугаар Төв Эмнэлийн захирал Ц.Төмөр-Очир болон Тайваний Үндэсний Их Сургуулийн харьяа эмнэлэг (NTU Hospital)-ийн Олон улсын эрүүл мэндийн төвийн гүйцэтгэх захирал Жу Жиа Ю нар эмч, эмнэлгийн мэргэжилтнүүдийг удирдан, видео хэлэлцүүлэгийг хамтран зохион байгуулж, эмнэлгийн орчинд шинэ төрлийн коронавирус тархахаас урьдчилан сэргийлэх, халдварт өвчинтэй тэмцэх чиглэлээр ажиллах эмч, эмнэлгийн мэргэжилтэн, хүний нөөцийн хувиарлалт зэрэг асуудлын хүрээнд хэлэлцүүлэг өрнүүлж, харилцан туршлага солилцов.
Тайваниас Монгол Улсад суугаа төлөөлөгч Грэйс Ж.Р.Лүө тус видео хэлэлцүүлгийн үеэр хэлсэн үгэндээ “Тайваний Засийн газар болон хувийн хэвшил гар нийлүүлэн хамтран ажиллаж, “Тайвань тусламж дэмжлэг үзүүлэх чадамжтай төдийгүй дэмжлэг үзүүлсээр байна.” /Taiwan Can Help, Taiwan is Helping/ хэмээх үзэл санааг бодитоор хэрэгжүүлэхээр хичээн ажиллаж байна. Халдварт өвчинтэй тэмцэх үйл хэрэгт гар бие оролцож, галын шугаман дээр ажиллаж буй Монгол орны эмч, эмнэлгийн мэргэжилтний эрүүл мэнд, амь насыг сахин хамгаалах зорилгоор Тайваний талаас Монгол Улсад нийт 200 мянган ширхэг эмнэлгийн зориулалттай амны хаалт хандивласан билээ.” гэв.
Төлөөлөгч Грэйс Ж.Р.Лүө цааш хэлэхдээ “Тайваньчууд аажмаар эдийн засаг болон олон улстай харилцах харилцаа, хамтын ажиллагаагаа сэргээж эхэлсэн. Тайвань хэдийнээ МУ-ыг шинэ төрлийн коронавирусийн бага эрсдэлтэй орнуудын тоонд багтаасан ба одоогийн байдлаар бизнесийн зорилгоор зорчих зорчигчид болон оршин суух үнэмлэхтэй төгсөх курсын оюутнуудыг өөрийн орны хилээр нэвтрэхийг зөвшөөрөөд байгаабөгөөдбизнесийн зорилгоор зорчих зорчигчдыгхилээр нэвтэрсэний дараа 5 хүртэлхи хоногийн хугацаанд тусгаарлах зохицуулалт хийсэн. Өнөөдрийн видео хэлэлцүүлэг нь хоёр эмнэлгийн шинэ төрлийн коронавирус /Covid-19/-ийн үеийн бэлэн байдлыг хангах, талуудын харилцаа хамтын ажиллагааг гүнзгийрүүлэхэд тодорхой хувь нэмэр оруулж чадсан гэж найдаж байна.” хэмээв.
П.Н.Шастины нэрэмжит Улсын Гуравдугаар Төв Эмнэлийн захиралЦ.Төмөр-Очир хэлсэн үгэндээ “Улсын Гуравдугаар Төв Эмнэлэг нь Тайваний Үндэсний Их Сургуулийн харьяа эмнэлэг (NTU Hospital)-тэй олон жилийн турш хамтран ажилласаар ирсэн. Энэ оны хувьд халдварт өвчний улмаас хоёр эмнэлэг харилцан зочлох, хамтран сургалт семинар зохиох, хамтран ажиллах үйл хэрэг түр хугацаагаар тасалдахад хүрээд байгаа. Иймданх удаагаа хоёр эмнэлгийн хамтарсан видео хэлэлцүүлэг зохион байгуулж, талууд харилцан туршлага судалж, халдварт өвчинтэй хамтран тэмцэх завшаан тохиосонд туйлын баяртай байна. Тайваньчууд шинэ төрлийн коронавирустэй тэмцэх чиглэлээр арвин баялаг туршлага хуримтлуулсан тул Тайваньчуудаас суралцах зүйл маш их бий. Хоёр орон хүчээ нэгтгэн, халдварт өвчинг хамтдаа ялан, талууд хоорондын хэвийн хамтын ажиллагааг ойрын хугацаанд дахин сэргээнэ гэдэгт итгэлтэй байна” гэв.
Тайваний Үндэсний Их Сургуулийн харьяа эмнэлэг (NTU Hospital)-ийн Олон улсын эрүүл мэндийн төвийн гүйцэтгэх захирал Жу Жиа Ю хэлсэн үгэндээ “Шинэ төрлийн коронавирусээс урьдчилан сэргийлэх видео хэлэлцүүлэг хамтран зохион байгуулж буй энэхүү завшааныг ашиглан, Монгол орны мэргэжил нэгтнүүдтэйгээ халдварт өвчинтэй тэмцэж буй туршлагаасаа хуваалцаж, хамтдаа халдварт өвчний эсрэг тэмцэж буйдаа туйлын баяртай байна. Бидний хувьд Монгол Улс шинэ төрлийн коронавирустэй маш амжилттай тэмцэж байгаа тухай олонтоо сонссон. Энэ удаагийн видео хэлэлцүүлэгээр дамжуулан Монгол эмч нарын халдварт өвчинтэй тэмцэж буй арвин баялаг туршлагаас суралцах завшаан тохиож байна.” гэв.
