МУ-ын Шинжлэх ухаан, технологийн сангийн захирал Доктор Д.Энхжаргал болон Тайваний Шинжлэх ухаан, технологийн яамны ОХУ-д суугаа Шинжлэх ухаан, технологийн хэлтсийн дарга Доктор Фү Шао Мин нар энэ сарын 23-ны өдөр Монгол Тайваний шинжлэх ухаан, технологийн өнгөрсөн 10 жилийн хугацаанд хамтран өрнүүлсэн судалгааны ажлын тайлан, үр дүнг дүгнэн, тайлангийн хурлыг хамтран зохион байгуулсан ба хэлтсийн дарга Доктор Фү Шао Мин хэлсэн үгэндээ: “Тайваний Шинжлэх ухаан, технологийн яамны сайд Чэнь Лиан Жи нь шинжлэх ухаан, техлоногийн судалгааны үр дүнг үйлдвэрлэлд нэвтрүүлэхийг маш ихээр дэмждэг ба цаашид Тайвань Монголын шинжлэх ухааны хамтарсан судалгааны үр дүн нь үйлдвэрлэл хөгжих үндэс суурь болж чадна гэдэгт итгэлтэй байна.” хэмээв.
МУ-ын Шинжлэх ухаан, технологийн сангийн захирал Доктор Д.Энхжаргал хэлэхдээ: “Монгол Тайваний шинжлэх ухаан, технологийн салбар дахь харилцаа хамтын ажиллагаа нь тэртээх 2007 оноос эхлэлтэй төдийгүй анагаах ухаан, шинжлэх ухаан, технологийн чиглэлийн хамтарсан судалгааны ажлууд илүү түлхүү хийгдсэн бөгөөд цаашид илүү олон судалгааны ажил дээр илүү өргөн цар хүрээтэй хамтарсан судалгаа хийгдэнэ” гэдэгт итгэлтэй байна хэмээв.
Хэлтсийн дарга Доктор Фү Шао Мин: “Монголын талаас хийсэн судалгааны ажлын тайлан, үр дүнтэй танилцсаны дараа хэлсэн үгэндээ урьд өмнө нь хийгдэж байсан судалгааны ажлын дийлэнхи нь төсвийн санхүүжилт, дэмжлэгээр хийгдэж байсан бөгөөд цаашдын судалгааны сэдвүүдийг үйлдвэрлэлийн салбарын эрэлт хэрэгцээтэй уялдуулах боломжтой ба ингэснээр бизнесийн салбарын дэмжлэгийг ч хүртэх боломжтой юм” гэв. Тайваниас Монгол Улсад суугаа төлөөлөгч ноён Хуан Куо Рун хэлсэн үгэндээ: “Тайвань Монголын талууд хамтарсан судалгаа шинжилгээ хийгээд хэдийн 10 жилийн нүүрийг үзсэн ба судалгааны ажил нь хэдийнээ арвин баялаг үр дүнг харуулж чадсанд нэн таатай байна. Мөн судалгааны ажлын үр дүнг хэрэглээнд нэвтрүүлэх асуудал нь Тайвань Монгол хоёр орны цаашид баримтлан ажиллавал зохих чиглэл болно” хэмээв.
Монгол Тайвань хоёр орон нь анх 2007 онд шинжлэх ухаан, технологийн салбарт хамтран ажиллах тухай гэрээнд гарын үсэг зурсан ба өнгөрсөн 10 жилийн хугацаанд нийт 31 хамтарсан судалгааны төсөл хөтөлбөрийг санхүүжүүлсэн ба эдгээр судалгааны ажлын 48%-ийг эрүүл мэнд, биотехнологийн чиглэлийн хамтарсан судалгааны ажил, 39%-ийг технологийн чиглэлийн хамтарсан судалгаа, 13 %-ийг нийгмийн шинжлэх ухааны хамтарсан судалгааны бүтээл эзэлж байна.
